【Viu】Phoebus@P1X3L、Jeffrey魏浚笙同YT周殷廷今晚為《HKT西九音樂節：越流行》演出，Jeffrey同YT大哥仲合唱霆鋒嘅《愛後餘生》，唱完又沾沾話自覺有啲似霆鋒，仲預告之後有機會孖偶像同場表演，希望成功集郵！講到佢噚日謝票時介紹角色名叫「細柱」，即望望下面，Jeffrey爆笑解釋其實角色係叫「巨柱」，仲自認「身懷巨柱」添，好中二呀！
至於好友阿正嘅Talk Show頭場邀得Jeremy做嘉賓，仲有錫手仔兼公主抱，Jeffrey表示聽晚會去睇騷，如果阿正要求都唔介意錫手仔，仲揚言想幫阿正剪指甲，喂呀！
而Phoebus就爆笑回應P1X3L隊友George嘅顏值揚威日本，仲即席解鈕Battle，又解釋P1X3L各有各「擔當」，想知就睇足本訪問啦！
