【Viu】謝君豪、「Dee哥」何啟華、Jeffrey、Locker、王菀之、王丹妮同許恩怡今日為《焚城》上映日謝票，「焚城四子」仲以制服look現身，又好Relax咁鬥谷肌同pop心心，笑爆全場！不過，佢哋笑言唔敢拎條消防喉入戲院射濕觀眾，擔心要收律師信咁話！
電影今日上畫日到夜晚10點，票房數字去到370萬，而同《破•地獄》聯乘嘅套票喺3小時內售罄，謝票席間大會又送上全新出爐嘅消防月曆俾演員們，四子話唔敢學澳洲消防員咁近乎全裸騷肌喇，Jeffrey仲謙稱：「我哋咁嘅身形都敢出！」豪哥都睇唔過眼呀！咦？既然操到咁fit，不如順勢出埋寫真集？轉數快嘅Dee哥就有巧思喇！
講到好兄弟游學修入圍金馬影帝，Dee哥已經請咗飲酒祝賀，至於阿修提議佢同蘇致豪搞返場「港普大戰」，Dee哥又點睇呢？而Locker就爆笑回應女友Marf喺萬聖節嘅絲襪笠頭look，自嘲冇條件笠絲襪，反而豪哥就興致勃勃喇！
此外，王菀之直言消防月曆最想「揭」豪哥；許恩怡就坦承已經畀Jeffrey「蒙蔽雙眼」，想笑餐飽就睇足本訪問啦！
