【Viu】Jeffrey魏浚笙、謝君豪今日代表《焚城》上最新一輯《爆谷一周》，接受谷德昭訪問！見Jeffrey打晒呔，佢以認真mode搞笑話傾電影嘢係要serious啲，即被豪哥吐槽，真係笑爆嘴！講到Jeffrey日前隨戲組去北京出席首映禮，佢話覺得好宏偉，又指從觀眾嘅眼神睇得出有幾愛《焚城》，更即席同豪哥大晒國語，邊個講得好啲先？
電影主題曲《一世隊友》MV內含佢哋濕身養眼畫面，今日睇到full version嘅豪哥大讚好，唔知囡囡睇到又會有咩comment？囡囡有冇話對戲中邊位男演員有興趣？另外，《焚城》同《破·地獄》合體出套票戲飛，Jeffrey同豪哥話開心可達雙贏局面！嚟緊就會展開馬拉松式謝票，豪哥準備好黑圖未呢？
谷德昭搞笑話趁年尾多大片先再開新一季《爆谷一周》，夠晒縮骨，又笑指之前連荷李活電影名導Christopher Nolan都訪問過，呢季嘅受訪者可能會重複！谷導話依家香港電影正處嚴峻形勢，身邊有唔少幕後工作人員都轉晒行，而佢自己想開戲亦缺乏投資者，又笑話冇得好似黃子華賣樓套現，想知谷導仲講咗啲咩？即刻去睇足本訪問啦！
