【Viu】電視及主持界前輩鄧英敏預祝70大壽兼入行50年，今日孖老友十一哥何國材搞慈善夜，筵開42席，二人望籌得逾10萬善款。唔少老友悉心打扮到賀，見到好多逾60歲前輩藝人聚首一堂，包括羅蘭、Joe Junior夫婦、劉雅麗及媽媽曉華、麥翠嫻夫婦、陳榮浚及吳香倫夫婦、蘇姍等。敏哥爆金句：「人生七十古來稀，如今八十不為奇。」知佢咩料啦！講到點解唔請同期訓練班老友周潤發嚟？敏哥話發哥早睡早起謝絕應酬，但都有DM對方相約行山，但跑山就免問。
下個月就90歲高齡嘅羅蘭姐就表示只知今晚嚟賀敏哥大壽，唔知係做慈善，做咗人情冇預捐錢。佢又話精神一時時ok，但都想多拍戲。羅蘭姐又大讚古天樂好錫前輩，一齊收工會車埋返屋企添！想知更多就睇足本訪問啦！
