【Viu】Jay Fung馮允謙今晚終於完成第二次紅館個唱《the SOUNDTRACK of my LIFE 馮允謙演唱會2024》，完騷訪問，Jay話之前處男騷緊張到腳震，今晚終於就識得Enjoy。
今晚驚喜位莫過於Ian陳卓賢做嘉賓，Jay Fung話舊年已約實，佢仲當眾向陳仔施展「揸胸龍爪手」，但佢堅稱係膽喎！點知陳仔喺落台後即Post Jay Fung 3年前已胸襲佢嘅罪證喇！
Jay又自爆唱緊金Jer首《約齊靈魂在墳墓開生日派對》時噴鼻血，邊唱邊飲緊自己啲血，仲一度考慮要唔要停騷添！講到未婚妻Crystal嚟足3場，是咪要買包包獎勵吓人？咁幾時捨得完婚先？睇足本訪問片就知啦！
