【Viu】Jennifer余香凝 、Louise王丹妮今日出席品牌活動，Jennifer啱啱同《骨妹》好姊妹Fish廖子妤相隔8年後再合作拍電影，戲中演同性戀，仲有親密嘅身體接觸添！下月就係同老公嘅結婚4周年紀念，Jennifer話要出埠開工，不過正努力暗示，希望老公俾Surprise人肉速遞去外地咁話！
講到同Frankie@MIRROR喺ViuTV劇《麻甩媽咪》演夫婦，Jennifer話同劇中阿仔變咗兩母子咁Sweet，反而同Frankie就少見。咁考慮生多個？你估余影后點答呢？
Louise沾沾最近技能解鎖，打得又吊得，喺新戲《焚城》演高級消防隊長要吊高半空訓練。又冧豬話喺澳洲讀緊脊醫嘅老公羅孝勇11月會放假返港陪佢，仲話早兩日喺IG首Po性感相，事前都有請示老公。講到今日係已故巨星梅艷芳生忌，Louise話作為忠粉，呢啲日子都會特別感觸。想聽更多？國際慣例，睇足本訪問片啦！
