【Viu】Louie賈思樂為慶祝入行50年，今晚喺文化中心舉行一場慈善演唱會《Happy Together 50年 In Concert》！Louie由多位女dancers陪同下閃爆登場，打頭陣唱出《Happy Together》！
是晚首位嘉賓就係「阿Lam」林子祥，佢搞笑話只係咁啱喺出面食緊軟雪糕，點知就畀人拉咗入嚟唱歌！Louie話雖然同阿Lam相識超過40年，但今晚竟然係二人嘅首次合唱！喺個唱尾聲嗰陣，Louie邀請晒所有嚟睇騷嘅好友上台一齊唱生日歌同切蛋糕，台面企足半百人場面墟冚，難怪Louie都眼濕濕！
騷後Louie話開得一場好唔夠喉，依家入紙申請緊紅館場地！講到老友廖安麗「投訴」Louie冇搵佢做嘉賓，Louie忍唔住爆對方大鑊，大笑老友唱歌麻麻！另一邊廂，Louie卻被前女友狄寶娜摩亞爆料，直指佢好遴迍，點解呢？Louie又話見到狄寶娜摩亞專程由溫哥華飛返嚟撐佢，係超感動！足本訪問有得睇啦！
