【Viu】《ViuTV2025節目巡禮》上預告各大團體都會有團綜，但COLLAR受訪時就未知具體內容，仲乘機許願話想去馬爾代夫拍攝，咦？咁咪有泳衣放題？隊長Gao就好識玩話著潛水衣喇，唓！雖然未知團綜係點，但Marf同Day嘅劇集《哪一天我們會紅》就好快有得睇喇！
日前病到失聲嘅Ivy So，仍然堅持用氣音講兩句！至於芯駖坦言仍為日前喺音樂會上演出失誤而耿耿於懷，Marf都大呻安慰唔掂呀！
此外，Day、Candy同Ivy早排去咗巴黎時裝周，仲發生咗「失蹤驚魂」，到底係邊位咁大懵？睇訪問就知啦！
