【Viu】影帝梁朝偉今日喺老婆劉嘉玲愛的陪同下，糖黐豆咁現身銀行活動，放閃力max！偉仔笑話同劉嘉玲係財政獨立，理財方面係交畀專業嘅banker，又透露以前會買「磚頭」投資保值，不過依家就唔會啦！
講到日前佢同嘉玲事隔16年重遊不丹結婚地，偉仔話有見返啲老朋友兼順道去埋曼谷玩，仲講到自己之前去德國拍戲都有認識到一班新朋友，莫非偉仔慢慢由I人變成E人？
偉仔指暫時都係放假當中，仲未遇到合適嘅劇本，佢都希望有機會可以自組班底開戲，但就講明唔會預埋嘉玲，點解嘅？佢更預告遲吓飛日本，以評審團主席身份參與《第37屆東京電影節》，之後若有時間都想同屋企人一齊去滑雪！
