【Viu】MIRROR今日齊人現身《ViuTV2025節目巡禮》，預告將拍攝團綜《MIRROR CHEF》，大家即刻將目光放喺「廚神撈」身上；AK又再三要求金Jer請咗食飯先輪到自己，場面爆笑！
Frankie首度開腔回應「女友風波」，佢強調私事唔回應，但經一事長一智，希望經歷可以幫助演員成長，而且工作如常進行，好快就會同Lokman開拍《IT狗2》喇！而Edan就話跟阿Jer學嘢，唔再回應感情事，希望大家畀啲空間！
此外，姜濤同Stanley暢談拍攝《無用的謊言》趣事，原來「感恩」呢個代號係姜Admin親自起㗎，仲親解同Yoyo嘅咀戲尺度添！
