【Viu】Anson Kong噚日喺《第29屆釜山國際影展》嘅「2024 亞洲內容暨全球OTT大獎」中，憑《打天下2》勇奪「Rising Star of the Year（年度新星）」獎，為港爭光！AK今日經由台灣轉機返港，喺傍晚6點幾出閘，隨即大方畀傳媒拍照，又同現場生粉大合照，AK Oppa仲即席晒韓文兼派心，連抹汗都so cute，風騷到爆！
AK開心share得獎感受，坦言宣佈得獎當下個腦空白一片，笑認係「輸經驗」，搞到唔記得用韓文自我介紹，仲即席補充要多謝當年喺韓國做練習生時嘅經理人同隊友，so sweet！AK又話第一時間send message畀媽咪，自己冷靜過後都唔小心咇咗滴眼淚，又話好驚喜Jeremy完騷後即刻message祝賀自己。
咦，根據MIRROR嘅國際慣例，得獎係要請食飯，AK就咁樣回應……仲分享埋同咗邊個頂級韓星集郵，想知就睇足本訪問啦！
