【Viu】前ONE PROMISE結他手天衡自樂隊解散後,直認經過一段迷失期,最後佢決心做獨立音樂人,兼重拾老本行教結他!講到天衡其中一個嘅得意門生,就真係非「小電兔」AK@MIRROR莫屬啦!
天衡笑指AK上堂係chur到爆,確實係一個超瘋狂又超勤力嘅學生,佢仲爆咗AK嘅一件小趣事添,真係笑爆嘴呀!佢更指身為老師,最欣賞AK呢位學生嘅毅力同自律,即使嗰日係full schedule,老闆都會抽時間練結他,難怪天衡大讚佢嘅努力係超越天份!
而另一位被天衡點名嘅乖學生就係Tiger啦!佢讚虎仔係一個好醒目嘅學生,學嘢超快上手,個速度係有surprise到佢!天衡又指虎仔內心係超有想法,笑話唔好畀佢內斂嘅外表而呃到,佢更用「外靜內嘈」嚟形容虎仔添!
AK較早前喺solo concert邀請咗天衡、Tiger做嘉賓,三師徒首次喺舞台上合體超high!久未踏上舞台嘅天衡,有冇好掛住演出嘅感覺?有冇意欲再組band?另外,桃李滿門嘅天衡仲有開心share同麗英@小薯茄上堂嘅funny moment!即刻去片聽天衡慢慢講啦!