【Viu】Cath黃妍聽日將出戰903羽毛球賽，今日出活動嗰陣佢就信心十足咁話有信心贏DJ隊，因為佢話有必勝嘅秘密武器！究竟係咩？原來Cath嘅隊友係羽毛球高手陳柏宇，唔怪之Cath咁得戚啦！佢仲話啱啱先同咗陳伯去練完波，對陳伯精湛嘅球技甘拜下風，笑話都擔心會做老鼠屎！
除咗羽毛球賽之外，Cath仲有參加埋籃球賽，佢揚言希望今年可以入到波，唔想好似上屆咁淨係識攬實個波唔放手！唔知隊長張繼聰有冇過兩招畀Cath呢？
同場仲有音樂人Edward Chan，早前佢同大仔一齊去追星睇ROVER主演嘅音樂劇，呢個廿四孝老竇認真唔話得！Edward仲爆大仔最鍾意就係Jer嘅《人類群星閃耀時》，又試過趁姜濤、Gareth.T、Tyson Yoshi上studio錄音嗰陣去探班！不過Edward話反而對幕後工作有興趣嘅係細仔咁話！
另外，Edward最新有為MIRROR嘅「妹豬組」首《Strawberry Love》任監製，笑話錄歌嗰陣有同姜濤、Edan、Anson Lo、Jeremy研究要落幾多甜度，咁唔知Edward覺得邊位成員係最sweet？而方大同最近宣布復出，Edward又會唔會同對方合作？即刻去睇足本訪問啦！
