【Viu】Kaho洪嘉豪、「樹妮妮」Serrini今日現身珠寶店活動，期間Kaho上演一場「中佬」求婚戲碼，冧死班院友！唔知佢哋又有冇幻想過喺現實中點求婚、被求婚？Serrini唔小心漏口自爆每兩個星期會買一次珠寶，但最近因為出咗新歌《女一》就要勤力跑數，出口術叫追求者送珠寶畀佢！
眾所周知軒公幫Kaho報咗個外國zoom嘅進修課程，Serrini篤爆院長搞錯上堂時間，Kaho搞笑還原烏龍事，原來係有院友點醒咗佢，聽日（25日）先堅係第一堂，不過佢講明因為怕醜唔會開cam，貴為梁博士嘅Serrini又點睇學生呢個行為？Serrini又笑指受軒公幫人報course啟發，照辦煮碗幫父母報course！
講起Kaho最近去泰國拍旅遊節目，佢透露係新一季嘅綜藝《困獸鬥》，仲係原班人馬添！Kaho再爆喺呢個trip，有一半人入咗醫院，發生咩事？Serrini自薦同院長拍戀綜「拍一日拖」，仲想對方車佢去離島？連人帶車過海？院長個「老婆」最近又出小意外花咗？即刻去睇足本訪問片！
