【Viu】影帝張家輝、「段坤」馬浴柯再孖住上主演電影《重生》，馬浴柯更係繼《怒潮》後再執導，佢哋話呢次合作默契大增，家輝甚至大讚話估唔到馬導咁拍得添！唔知家輝又點睇自己喺戲中個金髮刀疤look造型？電影喺內地衝破4億票房，家輝同馬導都話好高興，係一個非常好嘅成績，希望香港影迷多多支持，家輝又笑話可以同馬導組二人合唱團去謝票添！
家輝、馬浴柯連續兩年都有喺電影上合作，下年會唔會再拍多部？拍嘅話會想開咩題材嘅戲？演而優則導嘅家輝，第四部自編自導自演嘅電影《贖夢》，未上映就已經有noise，電影更連環入圍三個歐洲影展，不過家輝話應該未能抽時間去影展，可能到時派主演之一嘅劉俊謙做代表宣傳！！另外，講到老婆關詠荷近日被網民野生捕獲兼激罕現身好友朱淑儀慶生飯局，獲大讚60歲凍齡有術！聽到老婆被讚，家輝又有冇沾沾？足本訪問有得睇啦！
