【Viu】ViuTV新劇《存酒人》今日舉行開鏡拜神儀式，Tiger@MIRROR、Lokman@MIRROR、朱栢謙、夏韶聲、Asha徐㴓喬、Ocean安柔潔等出席！Tiger為角色專登去曬燈兼化黑個妝，呢次更如願以償有感情線，劇中同Ocean飾演情侶，問到佢哋之間有幾親密？虎仔鬼馬賣關子，只肯透露係一段有深度同濃郁嘅感情！
Lokman就飾演一名風流倜儻、才華洋溢、無所事事嘅playboy，同佢本人性格有咩位係相似？早前Alton曾出post提及私追問題，佢哋拍劇嗰陣又有冇遇到相同情況？
MIRROR日前公布小組歌名單，Lokman就係加入AK所講嘅食過夜粥組，同時佢又賜名「男人味組」畀Tiger嗰組，究竟點解Lokman會有呢個idea？呢兩組又會唔會出埠拍MV？
今日係Lokman宣布同Luxi分手後首現身，佢指同對方係再見亦是朋友關係，有冇聯絡？有冇挽救？Lokman就全部話唔答，而嚟緊月尾嘅生日，佢就話應該要開工，或者睇吓虎仔得唔得閒咁話！另一邊廂講到Edan高調認追林明禎，佢哋睇唔睇好兄弟可以抱得美人歸？私下係咪用激將法「激」Edan追女？
久未拍劇嘅夏韶聲指今次無論係演員、劇組全部都係年青人，開工勁有衝勁，仲特登搵孫仔嚟見識！朱謙話同Tiger有最多對手戲，笑話無時無刻都被虎仔charm到！快啲睇足本訪問片啦！
