【Viu】「信一」劉俊謙、「王九」Philip伍允龍繼電影《九龍城寨之圍城》二度拍住上打餐飽，聯同7屆金像武術指導董瑋合演新戲《武替道》，延續香港動作電影熱潮！新戲以武師為主角，大談其辛酸、人生故事，董師傅戲外由16歲開始就做龍虎武師兼替身，唔知有冇勾起佢當年嘅辛酸史？若然被武指刁難，又有冇得say no？
同董師傅合作無間嘅Philip，直言董師傅係佢喺呢行入面，數一數二最尊重嘅前輩，又自爆初出道嗰陣被恰，係董師傅幫佢出頭，過程係超驚險！
「國民老公」劉俊謙更係首次挑戰「跳樓」戲，唔知劉老公企喺天台望落下面有冇腳軟？有冇一秒想縮沙？各位「劉太」到時入場睇戲睇住唔小心嗌咗出嚟！劉老公亦有share做驚險動作嘅內心世界添！
另外，對比起舊時拍動作片，董師傅覺得依家拍動作片，最大分別又喺邊度？董師傅仲坦承動作片有人才斷層現象，點先可以化解？即刻去片睇專訪！
