【Viu】Jeremy李駿傑今日出席護膚品活動，首次孖古天樂同場，緊張到講不出聲兼面紅，但希望可以同前輩合作拍電影。身為「9月之星」嘅Remy，親述生日會嘅感動時刻，仲即席化身「潮語博士」大講自創潮語「HLHLZ」，各位Unicorn估唔估到點解呢？
適逢Remy同花姐都係9月8號生日，正日會唔會一齊慶祝？米米竟然斗膽笑花姐年紀大；又公開呼籲「生日群組」嘅某位失蹤人口要「上水」幫佢慶祝，想睇「活潑Remy」上線，睇足本訪問一齊「姨母笑」啦！
viu1仲帶大家直擊Remy生日展添呀，今年FC以「Voyage to the New Era」為主題，為Remy搞咗個盛大生日應援展！忠粉Unicorn CW喺現場同大家介紹展區有邊6個zone，仲話畀大家聽Remy借出咗邊幾套歌衫、邊到會見到Remy嘅親筆手寫信！CW更講到日前同Remy開生日會嘅難忘事，Remy喺生日會上自稱「潮語博士」，唔知有冇inspire到Unicorn下年同佢搞個潮語生日展呢？
