【viu】Kay謝安琪今日現身《ACE FACE OF HONG KONG STAR AWARDS 韓國最耀眼香港之星頒獎典禮》，獲頒「最耀眼女演員」兼代表ViuTV劇集《法與情》領「最耀眼電視劇」大獎！Kay表示好珍惜每次嘅演出機會，上年參與嘅《法與情》同電影《四拍四家族》都有好好嘅成績，就好似打咗支強心針咁，佢仲透露遲吓會有新戲上映添！
私下鍾意煮嘢食嘅Kay，日前post嘅一張相被老公張繼聰留言笑指同豬剛鬣（豬八戒）撞樣，Kay又點反擊？阿聰IG新post一張爆肌相，公然話要同「惠芳」Chill，引「正印」Kay即刻留言，實情究竟係點？
提起有fans近日考古佢哋兩公婆，摷番多年前佢哋出埠拍節目嘅打羽毛球片，原來「打羽毛球」嘅始祖就係Kay同阿聰，最後仲堅係打出愛火花！Kay笑話相信係啲fans專登喺呢個時候摷呢條片出嚟，論球技嘅話Kay高招啲定係阿聰？
另外，黃秋生擔任頒獎嘉賓頒發兩個獎項，受訪報平安指身體現冇大礙，再冇血壓高，體重亦健康地下降，減咗約10磅！秋生自爆變健康係有獨門秘笈，就係食用由法國戲劇老師推薦嘅一種食物！
佢澄清台灣酒吧結業唔關健康事，只係咁啱租約期滿，又預告準備緊另一盤生意，就係賣叉燒包：「係時候論到我反消費番佢！」果然有料！秋生更自爆受古天樂邀請出任藝術總監指導新人，笑話遲啲會推薦啲「搵到錢」嘅新星！另外，同場仲有Ashley林愷鈴、Ash盧信宥、唐詩詠、方力申、伍允龍、力臻、陶大宇、林保怡等。
