【viu】Jer柳應廷同MC張天賦今晚喺亞博首度合體開騷，呢單嘢真係萬眾期待！去到encore環節，兩位歌王突然喺小舞台驚喜現身，令坐後半part位置嘅柳柳粉、賦二代hyper大叫！佢哋以超近距離對小舞台台邊嘅柳柳粉、賦二代冧唱《世一》，糖份超標！
佢哋又玩踢爆指聽晚（31日）喺呢個環節啲歌會唔同，咁刺激？跟手合唱《反對無效》嗰陣，二子high爆跑落台同fans握手，短期內連派兩個surprise畀fans，極寵粉呀！返上主舞台後嘅MC，自爆啱先喺其中一環節因為太緊張而「撻Q」，期望尾場挑戰成功！最後Jer、MC同全場大合唱《人類群星閃耀時》，二子臨落台仲專登跑到台邊兩側同fans講bye bye，好乖乖呀！另外，呢晚嚟現場睇騷嘅嘉賓有「睇騷之鬼」Jeremy@MIRROR、「大表波」Stanley@MIRROR、陳蕾、「阿Sa」蔡卓妍！
