【Viu】Ronald鄭中基嘅「機動兵工廠」成員之一何求，今日現身港台活動，講到Ronald近日嘅「經理人風波」成全城熱話，何求指最近一次見Ronald就係澳門騷，一見到大佬即刻攬攬，又大讚Ronald非常專業，冇被風波影響演出心情！
何求被問到Ronald與湘湘平時關係，他避談稱只專注自己工作，又話大家都冇特別過問Ronald私事，透露聲明發出後公司有安排一次會面，現工作上暫無大改動，佢亦表明絕對信任公司。「湘湘」何慶湘原本同樣係「機動兵工廠」成員嘅經理人，何求指湘湘離開後，新經理人之位有待公司安排。而今日公司另一經理人同事亦有陪同何求出席活動。
阿冰@小薯茄指近日終於完成電影《法迷藏》拍攝，佢話事前做咗好多功課鑽研女主角人物性格，仲專登練70年代講嘢嘅口音！講到同小學同學Edan再次合作，阿冰自爆做咗一件傷害Edan身、心靈嘅事，搞到佢鬼死咁內疚！不過係咩事暫時就唔講得住，要等套戲上先開估，真係好吊癮呀！
