【viu】女團Beanies一出道就橫掃多個樂壇頒獎禮嘅新人組合獎，五女乘勢出擊，除咗今年每位成員都會出solo歌之外，就梗係唔少得團歌啦！新歌《小氣簿》made in Beanies，由Winky、Kay、Jaime聯手作曲；釗彤負責填詞；編曲就交畀Jaime、蘇道哲，才華滿瀉嘅女團無誤！
新歌歌名精而簡，一睇就知主旨！唔知Beanies五女喺家人、姊妹、另一半、工作，呢四個範圍入面，發生過啲咩事係值得寫入佢哋本小氣簿呢？邊位成員最小氣？嚟嚟嚟！即刻上小氣板，畀Beanies盡情寫、盡情呻、盡情宣洩！
