【Viu】《CHILL CLUB Have A CHILL Live》順利完成！MC張天賦、Nancy Kwai喺其中一part合唱《世一（不可一世）》，佢哋指都有勾起當時拍MV嘅回憶，估唔到Nancy由演員搖身一變做咗師妹！
事前大表波Stanley表示想同Nancy crossover，但最後都未有機會同台，Nancy指有啲可惜，只係一直喺台下心心眼咁望住大表波，仲笑話以為大表波會除衫，不過可惜冇！突擊選擇題，如果大表波 vs MC除衫，Nancy又點揀？候選人之一MC，揚言佢除衫係另一「體驗」，用「實力」拉票！
Nancy新歌《Let go》MV日前推出，開估神秘男主角就係洪嘉豪！佢笑話有好多fans一早就估到，唔知洪嘉豪呢次幾秒嘅亮相，穩袋幾多先？
MC遲吓繼續巡演，加上下個月就同Jer@MIRROR合體開騷，佢話積極籌備中，已經開咗好多次會，承諾會帶嚟超大surprise！MC加碼預告巡唱除咗會有全新嘅rundown，衫方面亦升華「溫度」，想知MC係咩意思？睇足本訪問片！
