【viu】強尼、保錡@ERROR、肥仔@ERROR、劉慕裳、馬啟仁、伍家謙等今日出席ViuTV全新節目《賽馬會青少年體育記者計劃帶俾你噢！運動主持都要選》記者會，8位學員即場展示主持技能，當中有3位前或現職運動員，身為全職羽毛球運動員嘅阿Moon梁悅儀喺台上自爆係「唔小心」參加節目，綜藝感十足，連強尼大哥都話想同佢做拍檔，因為估唔到對方下一步講乜，一定好「醒神」！
保錡最識爭取工作機會，笑言做節目要捱夜需要清熱氣外，仲爆肥仔試過做直播期間試坐按摩椅，點知真係舒服到瞓着兼扯鼻鼾，絕對係最佳代言人。兩兄弟話自己冇乜運動知識教學員，反而係嚟搗亂，測試下大家嘅應變能力。
講到Ian剛啱開Solo Concert，肥仔大讚Ian舞技進步唔少，而強尼大哥就留意到Ian件U形背心，保錡話係健身嘅標準，自己都要「keep一世」，仲趁機笑肥仔勁到要戴奶罩，「係人生最高標準」，自薦可以一齊拍返套《絕世好Bra 2》，並即興Rap咗一段，仲話覺得肥仔喺主持界別係「花瓶」，想睇兩兄弟互mean，記得即刻睇片。
