【viu】ViuTV新綜藝《巴絲Let’s go歐》第二pair出場嘅「巴絲」,就係Marco@P1X3L同「數學天才」、IQ 141嘅細佬Manson啦!呢次亦係葉氏兩兄弟首次孖住去旅行,飛到荷蘭吃喝玩樂chill到爆,仲開正佢哋鍾意玩game嗰瓣,喪玩卡丁車、甚至同當地人挑機玩足球機、桌球,唔知呢兩兄弟有冇為港增光啦!
葉氏兄弟相識20幾年,唔知佢哋對彼此之間嘅了解又深唔深厚呢?喺呢個時候就梗係要畀個test佢哋,就由細細個乳名開始問起,直到大個鍾意邊type女仔?有冇帶過女仔返屋企?對上一次嗌交又係因為啲咩?睇吓佢哋會唔會互相「廝殺」大爆料!另外,當然唔少得touching嘅部份,葉氏兄弟內心有咩說話未曾向對方講?覺得對方係一個點樣嘅人?去片等Marco、Manson親自話你哋知!