【Viu】林峯今日現身馬場為馬季煞科日表演，雖然經常嚟開工同食飯，但阿峯就自認手氣差，冇乜贏錢嘅經驗，不過由於自己同囡囡都鍾意騎馬，都有興趣養返隻退役馬。咦？咁林峯養嘅馬會唔會叫「玉樹」呢？係咪好想知阿峯點接呢個爛Gag呢？
講到阿峯Deep V上陣，莫非酬勞好豐厚？佢就話只係天口㷫啫，但就預告已經開始操肌準備9月嘅澳門騷，仲會開放投票畀歌迷揀歌，仲笑言如果大家堅持想聽《尋秦記》主題曲《天命最高》，自己都會幫手搵老闆古天樂做嘉賓，各位識做啦！至於囡囡會唔會上台表演呢？阿峯就Say No喇，仲爆阿囡睇《九龍城寨之圍城》睇到喊，想知點解就睇足本訪問啦！
