【viu】Sammi鄭秀文一連13場紅館演唱會昨晚（12日）開鑼，頭場除咗有老公許志安驚喜現身合唱，表演嘉賓仲有撐住拐杖上台嘅Serrini，Sammi幫忙解釋：「Serrini因為有腳患，人重吖嘛，但真我，呢個年代最緊要真我。」
Sammi以「代表呢個generation嘅歌手Slasher特質」嚟介紹Serrini，又直言諗頭場嘉賓嗰陣，就已經鎖定Serrini添！着到靚一靚嘅Serrini，一開始怕醜唔敢出聲，被Sammi搞笑話佢：「你講吓嘢啦！你平時好mean㗎嘛！你依家唔好扮優雅喺度！」全場fans聽到笑晒嘴！Serrini就話因為做頭場嘉賓好大壓力，而佢亦貼心準備咗份禮物送畀Sammi，搞到Sammi不知幾咁開心！
台下亦星光熠熠，嚟睇騷嘅嘉賓Sammi好姊妹鍾楚紅、甘比同兩個女，仲有劉天蘭、許鞍華、Nowhere Boys、梁釗峰及蘇永康夫婦等。
