【Viu】Joey容祖兒今日以超Deep V現身品牌活動，抵死自嘲：「唔會吝嗇嗰塊『洗衫板』！」Joey你咁答法，你贏晒啦！佢話同場見到好耐冇見嘅林峯，指轉頭要捉住對方大讚佢喺《九龍城寨之圍城》入面打得好勁！又搞笑自認都「頂得吓」，可以做「王九」伍允龍個妹，Jeoy仲自爆曾向謝霆鋒自薦做打女，成唔成功？
嚟緊Joey再喺澳門開騷，加上前日參與咗音樂節演出，多咗好多機會唱歌畀fans聽！另外，佢又同Edan上咗網台節目crossover，fans讚口不絕！Joey大讚Edan係一個聰明、勤力、捱得、有才華、重情嘅小伙子！事關Edan當日兌現同朋友喺9年前許下嘅承諾，假如同Joey合作就帶埋佢去做助手，呢件事令Joey好難忘！而Joey亦預告嚟緊會出快歌，咁就真係要期待吓！
講到最近盛傳Joey同內地女導演李璇傳緋聞，令兩邊嘅fans喺網上嘈交，Joey以「小風波」嚟形容呢個傳聞，並澄清同女導演只係朋友關係，繼續做好自己本分！
