【Viu】《The Nextwave 沙灘音樂節》第二場順利完成，呢日陣容依然強勁，包括樂隊KOLOR、TONICK、組合艾粒等，原來JACE陳凱詠係首次演出沙灘騷，難怪未出場先興奮，「自隊」兩杯跳唱《練功 》。不過，JACE就唔肯着比堅尼，話要跳舞動作太多，最多都係露背。
Jason陳柏宇伙拍野佬一齊夾Band獻唱《中二寄生魂》等多首歌，一上台Fans不斷大叫「除衫、除褲」，終於佢都除咗外面件衫露出實的的嘅麒麟臀，「陳伯」謙稱年紀大，只因太熱先除衫，堅爆肌就留返畀20、30歲嘅歌手去做，但操到咁fit有冇機會騷quali？佢見到現場咁多靚女着比堅尼又有咩反應？就要等陳伯親自講解。
「四堅情」賴晏駒、陳零九、邱鋒澤同黃偉晉呢晚壓軸出場，當四子合體唱《All day》時全場瘋狂，邱鋒澤話俾觀眾搞到「暈陀陀」唔記得歌單次序，仲不時向觀眾「灌酒」玩得超high！佢透露五堅情2025有巡唱，只要香港book到場就一定會開，仲諗住學多啲廣東話冧堅果添，so sweet。提到提到早前婁峻碩個唱狂收內衣，小賴話8月開個唱都想收內褲，想知佢收到會點處理？同埋會唔會「脫衣服」？想知更多就要睇足本訪問。
