【Viu】由張學友、謝霆鋒、林嘉欣同劉雅瑟主演嘅英皇電影《海關戰線》，即將上映，首次擔任動作指導嘅霆鋒，危險動作100%親身上陣，搞到差啲「火燒後欄」，加埋整傷塊面，拉姑梗係心痛又肉緊咁哦咗幾句啦！霆鋒又親解點樣為少拍動作片嘅學友哥「因材施教」，就係將對方嘅嗜好網球融入動作設計中，超有Heart呀！
作為動作指導，霆鋒坦言傳承係目前最迫切嘅問題，事關經驗係要累積嘅，有戲拍先有希臘，之但係危險動作又唔敢交畀新人做，驚搞出人命，仲因此諗返起當年拍《特警新人類》嘅趣事添！
至於鮮有拍動作片嘅嘉欣，為新片專誠去開槍，打到瘀晒呀陰功！不過，嘉欣好開心可以三度同學友合作電影，默契十足，仲向各大導演公開爭取一個小小嘅心願，想知係乜就睇訪問啦！
