【Viu】Edan@MIRROR、Marf@COLLAR、Jeffrey、JACE喺拉闊音樂會完騷後入後台受訪，佢哋齊齊話唔夠喉，好想之後再encore！而是晚最搶鏡非Edan、Jeffrey呢對「膠人」孖寶莫屬，表演medley《唱這歌》 x 《今期流行》 x 《眼睛想旅行》帶嚟無限歡樂，Edan篤爆其實係煨sir話要跳唱，仲話一嚟就點唱《唱這歌》，令佢都超surprise！
兒登更再三重申佢哋唔係專登搞笑，但一拍埋個chemistry就真係不得之鳥！煨sir自豪話完咗呢個騷，真心有少少享受跳舞，又自誇冇甩step超有型，可見中二病一旦發作真係非同小可！咁唔知Edan、Jeffrey對佢哋嘅透視、deep V look又點睇呢？有冇臨急抱佛腳操fit？
Marf大方指男友Locker有同埋媽媽嚟睇騷，好姊妹COLLAR都有嚟撐場添！講到Edan跳舞嗰陣，妹妹小如豬喺台下超high，Edan個沾沾樣即刻出晒嚟！至於提起花姐喺今朝暗指隻燒雞係Edan賜食，佢聽到即刻笑爆嘴話呢單嘢好難handle，見到報道將燒雞拉扯到Frankie嘅連串新聞真係得啖笑，完全係天意，佢仲抵死叫花姐小心講嘢添！而佢都話有關心Frankie，關於兄弟嘅私人事就唔多作回應啦！
