【Viu】電影《九龍城寨之圍城》「陳占一家」，包括爸爸Aaron郭富城、媽媽Cecilia蔡思韵、囝囝林峯，今日合體謝票，佢哋異口同聲話係「一家團聚」，Cecilia搞笑話戲中手抱嘅「囝囝」林峯，轉眼間變成「巨嬰」，都有啲詫異！
電影早前宣布會有三個章節，日後會開拍前傳同終章，城城話有同電影公司傾過吓前傳「龍頭」，據知依家就收緊劇本，係咪會有同Cecilia嘅談情戲？重提Cecilia戲中掌摑「龍捲風」古天樂被笑指係全片最打得之人，城城抵死笑話一早預咗被摑，不打不相識嘛！
票房最新數字衝破9,500萬，依家播映版本係新加4分鐘彩蛋，佢哋都話未睇過，但城城預告有佢同古天樂蒙眼廝殺片段！適逢父親節將近，呢「一家三口」話順道慶祝父親節，「囝囝」林峯對「爸B」城城有咩表示？跳出《城寨》，城城又點同屋企嘅大寶、二寶過？林峯又幾耐冇見過身在上海嘅寶貝囡？另外，城城日前公布8月開紅館個唱，會邀請「囝囝」林峯做嘉賓上台一齊Let’s get wet？想知就去片睇足本訪問啦！
