【Viu】Ian陳卓賢噚晚現身《Hi MIRO！見面祭》，才子即場獻Sing，當然唔少得獻唱親自作曲嘅《 抱抱無尾熊》，最後變成全場大合唱，超感動呀。
陳仔更化身「才氣之神」玩「有求必應」遊戲，即場抽出五位幸運兒讀出佢哋嘅心願，有人叫陳仔跳《晚安大小姐》、有人想同陳仔合照、有人想做佢一日助手，更有人因為用咗陳仔嘅歌做電話鈴聲，話係太好聽搞到唔知醒起身，最後希望陳仔錄一段可以叫得醒Hellosss起身嘅鬧鐘鈴聲，Ian都讚：「好無私，為大家謀福利！」除咗唱歌、玩遊戲，Ian仲落台同Hellosss握手、影大合照，咁開心，快啲入嚟睇花絮片啦！
