【viu】小編等足一年，Stanley邱士縉今日終於推出第二首個人跳唱歌《Drunk in Love》，擁有「大表波」美譽嘅Stanley，MV造型更加係Sexy到盡頭，個V Deep到呢？對「麒麟臂」粗到呢？各位「波波」們有冇拎定紙巾印鼻血呀？
Stanley話今次係主動提出做一首Sexy啲嘅歌，講述一個人飲到有少少醉意嘅狀態：「一個人飲到有少少Tipsy（醉意）望住一個女仔嘅時候，會放大對佢嘅感覺，對方一舉手一投足，例如簡單撥頭髮，都會覺得好靚好Sexy，我哋就係想創造一個咁樣嘅氛圍嘅歌。」
識飲識食嘅Stanley，同樣鍾意微醺嘅感覺，但甚少飲到「斷片」，仲分享人生中唯一一次「斷片」經歷，嘔到「噴射mode」；仲話為咗投入拍攝MV成為「堅飲真漢子」，想知點解就睇足本訪問啦！
