【Viu】《歐洲國家盃2024》將於下月14號正式開鑼，人氣女團COLLAR獲邀為Now TV歐洲國家盃大使，仲大晒舞功拍攝宣傳短片，Ivy同Gao又即席Encore《少林足球》嘅搞笑歌，高呼想拍星爺嘅《少林女足》呀！COLLAR分享睇波嘅麻甩行徑，芯駖會嗌到拆天；Day就狂食嘢；Marf最近仲打埋《FIFA》，真係估你唔到呀！
講到噚晚嘅《CHILL CLUB推介榜 年度推介23/24》，COLLAR同英國創作歌手Griff合作超級興奮，仲話同Griff拍咗Reels兼教廣東話，期待呀！雖然Marf失落新人獎，佢坦言唔失望，讚Nancy實至名歸，仲話好開心可以上台表演5次。至於Ivy So就講返同日本歌手Who-ya集郵有幾怕醜，想笑餐飽就睇足本訪問喇！
