【Viu】 練美娟、陳子豐、米露迪、Gi樊沛珈、溫湯馬仕、Pony蔡寶欣、王雍泰、Zelos黃凱逸同阿Bu陳君浩今日出席ViuTV全新節目《淡季報錯團》記者會，分享去澎湖、蘇梅同越南嘅拍攝趣事，最爆趣莫過王雍泰喺越南畀女技師「抓龍筋」，原來佢話係為咗幫兩位唔好女色嘅兄弟頂硬上，雖然眾目睽睽，好彩冇生理反應咋！
至於娟姐就被子豐連環爆料，除咗冧掂村長幫佢執牛屎外，仲畀強風吹到驚現「UFO」；子豐就被追問敢唔敢同王雍泰交換去抓龍筋，係咪好想知呢位人夫點答呢？
此外，溫湯馬仕畀3位姐姐連環撩，仲迫佢拎埋「第三條安全帶」出嚟，到底搞邊科？大家睇足本訪問就知啦！
