【Viu】張敬軒、RubberBand、台灣金曲歌后A-Lin今晚喺西九參與春浪音樂節尾場演出。夏天着住冬裝嘅軒公為防落雨，帶定兩支咪，好在得到天公愛護冇落雨，現場歌迷亦超熱情！早前張繼聰自爆有人認錯佢係張敬軒，軒公亦講到儍儍分不清，話自己雖然冇阿聰咁大隻，但可互補不足，建議兩舅甥組隊，真係好有諗頭！
最近Super Junior成員圭賢來港開騷翻唱軒公嘅《隱形遊樂場》，軒公爆話自己無限loop，大讚仲好聽過原唱，而佢亦希望挑戰對方嘅歌。對於洪嘉豪首個紅館騷快將舉行，軒公話晒睇住佢大，一定會去撐場，但上唔上台就賣關子。
RubberBand係第一個單位喺竹翠公園開騷，重臨舊地，感受特別深，並透露今年會去新場開騷。而佢哋剛剛去完非洲做探訪，亦有好多體會。至於A-Lin嚟到香港話最鍾意食大排檔，笑言自己肥底唔怕繼續食。而跟網上認識嘅Gin Lee相認，好欣賞對方好想合作。講到台灣花蓮地震，A-Lin表示當時身在台北都感受到，自己被嚇倒，希望大家為花蓮祈禱。咁豐富內容記得睇片。
