【Viu】《12怪盜》是日最後一組怪盜小隊出場！有請怪盜Ian、Lokman、Frankie，而睇呢場電影嘅鏡粉真係超超超熱情，一見男神sss就嗌破喉嚨，絕不留聲！三子先分別推介「螞蟻舞」、MIRROR出場、爆破呢三大場口，之後仲有講到拍攝嘅難忘事！
戲肉部份就梗係同鏡粉互動啦！有位小鏡粉cute爆發問：「點先可以做到MIRROR第13人呀？」令到全場姨母笑，萌到呢！搞到謝票現場突變招募成員大會，身為隊長嘅Lokman一口答應，冧嗌小鏡粉出嚟進行入團儀式，最後仲有影合照兼握手，呢單嘢勁有愛之餘又勁溫馨！有女鏡粉亦把握機會自薦，唔知MIRROR有冇機招女成員呢？
3位怪盜最後分享趣事，Lokman先自爆拍動作場口踩爛牆，咦！聽落咁熟口面嘅？仲記得噚日Frankie都自爆踩爛牆，原來呢件事係有「前傳」！係咪想知陳總講咗啲咩趣事呢？仲有位Hellosss高招鋪梗示愛，Ian要轉做wedding planner？想聽當中嘅搞笑對話嘅話，咁就要去片啦！
