【Viu】「華納二寶」陳蕾、Kaho洪嘉豪今早孖住現身化妝品活動，事後開龍雀咁受訪，勁talk得！距離Kaho個處男紅館騷剩番半個月，佢搞笑冇閉關嘅概念，覺得keep住出show、出event可以提升個人狀態，驚收得自己太耐，到時會唔適應，咁咪開工開到演唱會前夕？
今次院長又透露到時會「被動地」騷肌，仲強調依家係健康瘦身，大家唔使擔心！又澄清「華納『冇』王」嘅正確寫法，莫非怕大家對佢跳舞有太高期望？豹哥笑話自己完咗紅館騷到依家，剩係見過Kaho一次，原因係壞車，Kaho化身「汽車助理」救駕！佢話有主動關心Kaho開騷前夕心情，但遭Kaho婉拒！
而豹哥開完騷後單拖去日本relax，仲要自駕遊添，女車神是也！不過坦言喺旅行期間收到Nathan嘅輕生報導，有影響到心情，有慰問、鼓勵對方，希望Nathan能勇敢面對！對有網民指Nathan或因做豹哥演唱會嘉賓，令豹哥受到言論壓力，豹哥重申邀請《造星V》4子除咗係守承諾，仲希望可以盡佢所能燃起Nathan失去嘅鬥志！
