【Viu】COLLAR九展騷《COLLAR Crush Live 2024》今晚尾場，話晒係成軍兩年第一個大型演唱會，心情當然特別滾動，跟「領粉」分享感受時個個眼濕濕。
最眼淺嘅Candy 講起屋企人第一個爆喊，芯駖就感觸話大家從不爭企C位：「COLLAR 嘅團魂唔係寫、唔係講，係在心中。」搞到身旁Day眼泛淚光。而隊長Gao未開聲已哽咽，感激陪住COLLAR成長嘅每一位。唱到最後一首新歌《Chosen Family》Marf見到台下Fans咁熱情，亦「失守」喊到甩嘴，好彩得其他團員鼓勵俾力量。想睇更多感人時刻，快啲入去睇足本訪問。
