【Viu】泰國男神Win、菲藉女星Janella Salvador 主演電影《Under Parallel Skies》今日喺觀塘舉行全球首映，數百Win迷逼爆商場，仲有fans好有心，專登學幾句泰語冧偶像。
呢部電影被選為今屆亞洲電影大獎嘅壓軸放映，除咗泰國，佢哋仲喺香港取景，Win話最鍾意坪洲，最愛食牛肉麵，喺泰國時佢就買好多嘢食慰勞台前幕後，真係好暖男。講到戲中男女主角有場Kiss戲，Janella話拍攝前已有充份溝通所以冇尷尬，Win一臉怕羞樣，笑笑口表示認同。不過，全片都要用英語對白，Win就覺得好大挑戰。
提到噚晚喺亞洲電影大獎後，成功跟梁朝偉集郵，Win表示好開心，但仲有一個人比佢更開心，想知邊個就快啲睇足本訪問。
