【viu】「On仔」陳健安一連四場麥花臣騷噚晚順利完成頭場，最後要二度encore先滿足到全場嘅「族人」！講到On仔喺唱完《好好掛住》後噴淚成分半鐘，佢搞笑形容啲眼淚係失控直射出嚟，然後自己抹乾射濕嘅地板，超搞笑，又解釋指當時諗起一個好重要嘅人！
喺臨開騷約3個月前，On仔嘅左腳前十字韌帶因為踢波而斷裂，經過90幾日光速治療，On仔話依家可以慢跑同跳繩，好彩唔使撐住拐杖上台！但對於踢波，佢坦言有少少陰影，不過見到足球都係會身痕，仲自爆有個小破戒添！
提到On仔喺個騷度夾埋全場族人，向唱片公司「施壓」下站紅館，On仔自稱好ready踩上紅館舞台，相信呢日始終會來臨！另外，《造星V》其中6子分兩個單位，ROVER（亨仔、希晉、Kim、Jason Loi）、KC就孖Tsoul組限定跳唱組合出道，身為「爸爸」嘅On仔就梗係好戥班「囝囝」開心，更諗好一個拉埋「媽媽」陳蕾玩嘅crossover計仔，想知就去片啦！
