【Viu】教主Anson Lo今日為新片《盜月者》謝票，馬拉松式遊走港九各大戲院，連計3場ALFC包場，馬不停蹄謝足16場，勤力撈果然唔係浪得虛名㗎！
教主今日以牛仔Look現身，輕輕撥衫時不經意露出結實肌肉，加埋件貼身黑背心打底，真心「Jeng」呀！教主大方分享「佑佑豬」最愛嘅造型、角色轉變嘅心路歷程，同埋孖「佑佑媽」嘅母子關係，導演袁劍偉講講吓仲摸「佑佑豬」下巴，羨慕死小編同神徒們喇！
最後教主同神徒大合照，集氣票房直衝4000萬，仲準備咗兩大個「紅白藍」嚟收禮物，隱約間仲見到好多教主最愛嘅名牌—橙色紙袋嗰個Brand呀，加上沿途都有好多神徒瘋狂示愛，場面超級熱鬧！
