【Viu】「2023香港社交媒體風雲榜」頒獎禮今日舉行，十大網民最愛排名不分先後：姜濤@MIRROR、Ivy So@COLLAR、Hillary劉沛蘅、嘉盈@熊仔頭、THAIMAY、Jessica陳苡臻、關門、東方昇、Coffee Lam、GiGi炎明熹。
Hillary對獲獎受寵若驚，笑稱殺手鐧係甜美笑容，預告今年會出多啲post，繼續以笑容「攻陷」大家！講到由好姊妹阿正操刀影嘅相大受歡迎，Hillary隨即透露今年有機會出寫真集，仲話由阿正影相，再sexy啲都得呀！咁如果調轉由家姐揸機，阿正做model，呢本寫真集又有冇得諗諗？
有睇Hillary社交平台就知佢嘅shopping能力十分驚人！佢已經plan緊下一個trip，唔知有冇男伴呢？Jeffrey最近考到車牌，家姐就梗係有坐過「細佬」手車啦，有咩評語？
同獲十大網民喜愛嘅嘉盈，直言超開心！指今年想行復古路線，旗袍一定走唔甩！當然都會繼續着泳衣，更誓言會操出腹肌，送大家一個新嘅body咁話！提到網民指卡姐力撼佢，嘉盈大方話好開心！點解呢？佢想同邊位女神鬥呢？另外，熊仔頭日前現身影新年全家福，嘉盈透露熊仔頭今年回歸係事在必行，更爆對方籌備緊拍電影！想知更多就睇足本訪問啦！
