【Viu】音樂大師劉以達噚晚喺麥花臣開「尋根」作品展，chok爆由台邊登場，set咗個藍色公雞頭配煙燻濃妝再加全黑look，成股rock味即刻出晒嚟呀！達哥打頭陣帶嚟《希望之旅》，之後更係全場keep住彈結他晒指功，都咪話唔勁揪！
去到個唱尾段，驚喜嘉賓Josie何超儀出場！同時驚見Josie撐住拐杖現身，有傷在身都嚟撐達哥認真唔話得！合唱《溜冰滾族》令全場high到爆！達哥仲話其實一直好想同Josie合作，但次次都唔成事，所以Josie順勢主動製造合作機會，就係即席向達哥邀歌！最後達哥同所有女嘉賓合唱《今天應該很高興》，順利完成Day 1音樂會演出！
