【Viu】賀歲片《盜月者》今晚舉行首映禮，袁劍偉導演、Edan呂爵安、Anson Lo盧瀚霆、姜濤、張繼聰同白只等現身商場，吸引逾千鏡粉迫爆7層商場，連阿聰亦拿出電話拍低鏡粉為白只應援嘅畫面，場面墟冚！
期間，任何人提到三位鏡仔嘅名，全場Fans就瘋狂尖叫，袁導、阿聰同白只玩得不亦樂乎；Edan亦「參考」相同做法去感謝阿聰同白只教戲，認真鬼馬！
其後一眾演員移師戲院謝票，阿聰同白只又扮保安傍實鏡仔入場，阿聰大讚「姜登神」係實力派，自己同白只就係偶像派，白只聞言即衝破心理關口派心，有料呀！袁導就話如果票房破3000萬，會釋出更多幕後花絮當福利；AL就話福利尺度視乎票房成績；Edan就唔介意剪輯NG片；姜濤亦謂私藏咗大量開槍花絮片，各位鏡粉識做啦！
