【Viu】MIRROR亞博演唱會噚晚（29日）嚟到第12場，輪到大表哥Stanley做彩蛋，一出場已被粉絲瘋狂大嗌「除衫」，大表哥好識做扯起件衫抹汗，嘩，8嚿腹肌再現，心心眼呀！多謝Team Stanley之餘，大表哥仲邀請好兄弟姜濤合唱《蒙著嘴說愛你》，淘氣姜一出場就鐵達尼式從後攬實大表哥，大表哥亦禮尚住來又摸頭又攬攬，好sweet呀，想知佢哋嘅情深對話，現場實況片滿足到大家。
是晚仲有好多精彩鏡頭，Ian被大表哥揹住出場，大表哥表演「人」字馬，虎仔表演側空翻時意外失手撻落地，但跌低唔緊要，Lokman、AK、Alton陪住虎仔「邊到跌倒邊到企番起身」，再嚟多次成功側空翻，勁呀！仲有，仲有，姜Admin後Po嘅大表哥絕密綵排花絮，唱到...咁豐富嘅內容，記得睇片無限Loop嘞！
