【Now.com】上月約滿離巢無綫的黃智雯（Mandy）昨（3日）天宣布加盟「凱藝娛樂」，正式成為蔡少芬（Ada）及朱茵的同門師妹。面對全新開始Mandy興奮表示：「有壓力但樂觀迎接新挑戰。」
Photo／凱藝娛樂
41歲的黃智雯（Mandy）去年除了升格為人妻外，更選擇離開身處了16年的無綫電視，走出舒適圈迎接新開始。昨（3日）天Mandy宣布加盟「凱藝娛樂」，展開新篇章的她逼不及待表示：「好想突破自己，跳出框架，嘗試一啲以前未試過嘅嘢！好多人問我係咪會去演多啲舞台劇，我都想繼續開拓舞台劇上嘅自己。不過我覺得自己有更加多可能性，好想同多啲唔同嘅演員合作，多啲火花，對電影、綜藝節目、真人騷等所有嘢抱開放態度，以樂觀、開放，迎接新挑戰！」
Photo／Instagram：@wong_manman
成為了蔡少芬（Ada）和朱茵與的同門師妹，Mandy說：「好大壓力，點解佢哋兩個可以keep得咁好、咁靚，我自己都要繼續努力學跳舞同唱歌，令自己更fit，keep更好狀況。」同時她十分感謝老公和姊妹的支持：「另一半好支持自己，一步一步走來，佢沿途都畀好多意見，我覺得佢係一個好聰明嘅人，成日都會幫我分析，亦係好好嘅聆聽者及心靈伙伴；而姊妹們更加係唔使多講，我哋姊妹間無論大家有咩決定、有咩去向，都會在心中互相支持。」
Photo／Instagram：@wong_manman
黃智雯於2007年參選香港小姐，最終入圍最後五強，翌年獲公司安排入讀藝員訓練班，正式展開演藝生涯。出道10年後，Mandy 在劇集《三個女人一個「因」》飾演有多重人格的女主角「方以因」，演技備受肯定，可惜仍失落萬千星輝「最佳女主角」，令大批網民替其感到可惜。
