【Viu】恭喜「豹哥」陳蕾開紅館騷啦！鐵定明年3月舉行一連三場演唱會，以「念」為主題，背後原來係受一位「仙子」封手寫信中嘅一句說話所啟發！近呢年豹哥初嘗做跳唱歌手滋味，不過佢再三重申喺呢次嘅紅館騷絕不跳舞，保持氣質，以靚聲展現活力！
眨吓眼距離開騷唔夠3個月嘅時間，豹哥預告如果趕得切工，咁多位仙子會喺騷前聽到多兩首新歌，而其中一首歌本身就係寫畀MC嘅，最後竟然成功搶得返嚟？今年陳蕾亦為唔少歌手寫歌，當中包括Jer@MIRROR嘅《JM單身9》、Marf@COLLAR首《fOoL##》等！佢話合作到係全靠緣份，又指好enjoy同歌手之間嘅交流添！係咪好想聽豹哥仲講咗啲咩？另外，今次準備咗一個小遊戲嚟考驗自稱係「遊戲王」嘅豹哥，唔知佢保唔保得住呢個美譽？順便又可以同大家一齊練定歌，今舖仲唔一舉兩得？去片！
