【Viu】姜濤今日尖沙咀現身商場出席品牌活動，大批姜糖霸定靚位舉應援牌，形成一片藍海勁震撼！姜Admin話呢次應該係明年初開MIRROR亞博騷前最後一次嘅公開活動，之後就要閉關排練，但佢心態上已經ready好上舞台！係咪好想知個騷嘅rundown有咩新安排呢？姜Admin梗係有爆料，佢話會保留部分items，另外會再加新環節，又指有keep住睇物理治療，唔使太擔心佢腳傷問題！
講到Jerdan相繼變成「P牌仔」，姜Admin話暫時未坐過佢哋車，唔知如果畀佢揀，會坐Jer抑或Edan架車呢？而佢又自爆學完兩堂車就停咗，原因又係咩呢？叱咤我最喜愛男歌手進入白熱化，面對「程咬金」光B，姜Admin話對獎項平常心，仲話對方喺紅館騷唱佢嘅歌係佢嘅榮幸，希望遲啲有機會合作！至於對歌唱老師曾路得嘅稱讚、MastaMic嘅疑似暗寸，姜Admin有咩回應？訪問片有啦！
